Un p’tit poème wallon namurois

Riv’nans lès pîds su têre

(Waret-la-Chaussée / Warèt al Tchaussîye)

Quand on-z-èst djon.ne, on s’ crwèt malin, On rît èt s’ mwaîjeler po on rin.
On coûrt, on vore su on côp d’ tièsse Pwis on s’ rind compte qu’on-z-a stî bièsse. Mins c’èst trop taurd di v’lu r’culer ; Faut payî po ç’ qu’on-z-a câssé. Maugré lès miséres, lès toûrmints,
On vout co djouwer au pus fin.
Li raîson dit : Faut v’ rapaujeter ; N’èstans trop fiérs, on n’ sét choûter.
Èt nosse roûwe toûne avou sès pwin.nes, Saquants boneûrs, branmint dès jin.nes. Nos trivièssans dès grands potias, N’èstans saîsis d’ yèsse dèdja là.
Lès swèssante ans èt co avou,
Lès faut sognî do mia qu’on pout.
’L èst timps di s’ dîre qu’i faut qu’on frin.ne Èt s’ ripwaser, riprinde alin.ne. Div’nu raîsonâbe, pus malin, C’è-st-avou l’s-ans qui ça s’aprind ;
Èt adon, waî, on prind consyince
Di tot ç’ qu’on-z-a faît à nonsyince. Ripirdans-nos, rovians tot ça, Sayans di r’trover do solia.
Alans poûjî dins nos sov’nances
Lès bias sorîres di nos pas d’ danse.
Èt pwis d’ veûy crèche nos p’tits-èfants, Ça radjon.nirè nos vîs-ans.
Gn-a tant d’ bias pièles à ramwinrner Po l’ cia qu’ vout co aler mèchener !